Actividades

Contamos con tres espazos diferenciados, con actividades para escolares de secundaria e bacharelato. Os tres espazos están a 5 minutos camiñando, case sempre, por rúas peonís.

Ciencia de madeira.
Módulos didácticos con paneis expositores e experimentos dirixidos por persoal especializado.
  1. Flota ou non flota? Con madeira que se afunde, madeira que flota, esferas de aceiro que flotan ou se afunden. Conceptos: diferenciar masa, volume e densidade, o principio de Arquímides.
  2. Por que son verdes as follas das árbores? Prácticas de extracción de clorofila de vexetais. Conceptos: cores, luz, radiación electromagnética.
  3. Alimentándose desde o chan. Aprendemos como suben os líquidos polos troncos das árbores. Conceptos: dinámica de fluídos, capilaridade.
  4. Máis preto, máis grande. Uso de microscopios e lupas binoculares. Conceptos: bioloxía das follas, uso de instrumentos ópticos.
  5. Troncos que falan. Aprender a ler os aneis dos troncos e o seu significado. Conceptos: dendrocronoloxía, clima.
Medindo o mundo.
Como o espazo anterior, centrado en temas de medición de propiedades físicas, químicas, biolóxicas...
  1. Medir o tempo: módulo onde se simula o movemento do Sol desde a nosa latitude, apreciando a diferente altura do Sol no ceo. O mecanismo básico do gnomon, o primeiro instrumento de medición científica.
  2. Medindo a luz: cun simple regaliz e un microondas mediremos a velocidade da luz. Conceptos: espectro electromagnético, relatividade básica.
  3. Medindo o mundo: recreación do experimento de Eratóstenes de medición da Terra. Conceptos: trigonometría, xeometría.
  4. Medindo bichos: mediante o uso de microscopios e lupas binoculares, aprendemos a contar colonias microbianas.
  5. Medindo coa lingua e o nariz: propiedades organolépticas da materia: Conceptos: fisioloxía do nariz e a lingua, distinguir sabores.
Camiñando polo universo
Espectaculares fotografías polas que realizaremos un paseo guiado para coñecer conceptos de astronomía e cosmoloxía. As imaxes están agrupadas baixo as seguintes materias:
  1. O universo na Terra: auroras boreales, raios cósmicos e outros fenómenos.
  2. O Sol e os planetas.
  3. A nosa galaxia A Vía Láctea.
  4. Outros mundos lonxanos.
  5. Imaxes de cosmoloxía e do Big Bang.

ruadaciencia.org está patrocinado por Caixanova [www.caixanova.es]

Máis información: info@altega.com - Teléfono: 988 391 389

XHTML 1.1 - CSS 2 - Deseñado por [oclube] para Firefox 3